Tuesday, February 19, 2013

ഇനിയൊരിടം

സ്മാരകങ്ങള്‍ ഇല്ലാത്തൊരിടത്ത്
പോകണമെനിയ്ക്ക്

ഇന്നലകളുടെ
നഖചിത്രങ്ങളൊന്നുമേയില്ലാത്ത,

സദാചാരത്തിന്‍റെ ദുഷിച്ച
വേലിക്കെട്ടുകളില്ലാത്ത,

ഇന്നലകളുടെ ഓര്‍മ്മകളൊന്നും
ഭയപ്പെടുത്താത്ത,

അരാചകവാദിയുടെ
മുള്‍കിരീടം ധരിപ്പിക്കാനാരുമില്ലാത്ത,

നാളെ എന്റേതല്ല, ഇന്ന് മാത്രമുള്ള ഒരിടം, 
ഇന്നില്‍ തൃപ്തന്‍ ആവുന്നൊരിടം

Sunday, February 3, 2013

ചുമ്മാ ഓരോ തോന്നലുകളെ !

എന്‍റ്റേത് കുടിയേറ്റമായിരുന്നില്ല;
നിനക്കങ്ങനെ തോന്നുമെങ്കിലും,
നഷ്ടപെട്ടത് നിന്‍റെ മണ്ണുമല്ല.

നമുക്കുമേലൊരിക്കല്‍ വളരും
പുല്‍ നാമ്പുകളെ
നാമിന്ന് തിരയുകയില്ല ,
എങ്കിലും അതിവിടെ
എവിടെയോ ഇല്ലേ ?

അതാ പറഞ്ഞത്
നഷ്ടപെട്ടത് എന്‍റെ മണ്ണല്ല ;
അവന്‍റ്റേത് കുടിയേറ്റവുമല്ലായിരുന്നു
എനിക്കങ്ങനെ തോനിയെങ്കിലും .