Monday, July 29, 2013

ചിന്ന/പെരിയ ആസൈ

സ്റ്റാച്യു* ജങ്ങ്ഷനിനില്‍

ഒരു വീട് വയ്ക്കണം

ജനാല ചില്ലുകള്‍ ഒന്നും തന്നെ

ആരും എറിഞ്ഞു തകര്‍ക്കാതെ

സുഖമായി, സ്വസ്ഥമായി

ഇഷ്ടമുള്ള സംഗീതവും കേട്ട്

അവിടെ ജീവിച്ചു മരിക്കണം

അതിനു ഒരു വോട്ട് മാത്രം

എന്‍റെ വിരല്‍ തുമ്പിലുണ്ട്‌.

 

 

*(തലസ്ഥാനത്ത് സെക്രട്ടറിയേറ്റ് സ്ഥിതി ചെയ്യുന്ന ഭാഗം)

Monday, July 22, 2013

ഹോ ..എന്റെ മഴേ

മഴയ്ക്ക്‌
ഇനിയും പുനർജനിക്കാം
തുള്ളിക്കൊരു കുടം പോലെയും
ചാറ്റൽ പോലെയും
ചായ്ഞ്ഞും ചരിഞ്ഞും 

ആർത്തലച്ചും
പിന്നെയും പിന്നെയും
എത്ര വേണേലും പെയ്യാം

ഹോ ..എന്റെ മഴേ
നമുക്ക് നമ്മുടെ ജന്മങ്ങളെ വച്ച് മാറിയാലോ ..?

Thursday, July 18, 2013

ഒരേ നിറം

ചുവന്ന കടലാസ്സിൽ എഴുതാൻ
ചുമപ്പ്‌ മഷി കിട്ടിയ
ഭാഗ്യഹീനനായ
എഴുത്തുകാരനാണ്‌ ഞാൻ

പാവപ്പെട്ടവന്റെയും
പണക്കാരന്റെയും
ഇടയിലുള്ള അകലം
കൂടുന്നതിനെക്കുറിച്ചെഴുതിയാൽ
മാത്രം മതിയല്ലോ,
നമുക്ക് ചുറ്റുമുള്ള
എല്ലാ പ്രശ്നങ്ങളും
അതിൽ അന്തർലീനമായിരിക്കും

അതിനാൽ ഞാൻ എഴുതുന്നില്ല
എന്ന് മാത്രം നീ കരുതരുതേ,
നമ്മുടെ കണ്ണിന്റെ പരിമിതിയിൽ
നമുക്ക് എന്ത് ചെയ്യുവാനാകും ?