"ഞാൻ ഉറങ്ങുകയാണ്, നീയും ഉറങ്ങിക്കോ"

ഞാൻ ഉറങ്ങുകയാവും
എങ്കിലും നീ വന്നാൽ
വാതിലിൽ മുട്ടാതെ
പോകരുതേ

ഞാൻ ഉറങ്ങുകയാവും
എങ്കിലും നീ വന്നാൽ
നിനക്ക് പറയാനുള്ളത്
എന്നെ വിളിച്ചുണർത്തി
പറയാതെ പോകരുതേ

ഞാൻ ഉറങ്ങുകയാവും
എങ്കിലും നീ വന്നാൽ
എനിക്ക് പറയാനുള്ളത്
എന്നെ വിളിച്ചുണർത്തി
കേൾക്കാതെ പോകരുതേ

ഞാൻ ഉറങ്ങുകയാവും
എങ്കിലും നീ വന്നാൽ
നിനക്ക് തരാനുള്ളത്‌
എന്നെ വിളിച്ചുണർത്തി
വാങ്ങാതെ പോകരുതേ

ഞാൻ ഉറങ്ങുകയാവും
എങ്കിലും നീ വന്നാൽ
എനിക്ക് തരാനുള്ളത്‌
എന്നെ വിളിച്ചുണർത്തി
തരാതെ പോകരുതേ

ഉറങ്ങാൻ ഞാനും
വിളിച്ചുണർത്താൻ
നീയും മാത്രമല്ലേ ഉള്ളൂ
നീയും ഉറങ്ങിക്കോ
ഞാനും വിളിച്ചുണർത്താം
ഉറങ്ങാൻ നീയും
വിളിച്ചുണർത്താൻ
ഞാനും മാത്രമല്ലേ ഉള്ളൂ

നമുക്ക് നമ്മൾ മാത്രമല്ലേ ഉള്ളൂ
ഉറങ്ങാനും വിളിച്ചുണർത്താനും

ഒരിക്കൽ നമുക്ക്
ഒരുമിച്ചു ഉറങ്ങുകയും
ഒരിക്കൽ നമുക്ക്
ഒരുമിച്ചു ഉണർന്നിരിക്കുകയും വേണം !