Wednesday, December 7, 2011

പ്രണയഘടികാരം...

പ്രണയഘടികാരത്തില്‍
യുഗങ്ങള്‍ വര്‍ഷങ്ങളായും
വര്‍ഷങ്ങള്‍ മണിക്കൂറുകളായും
മണിക്കൂറുകള്‍ നിമിഷങ്ങളായും
പരിണമിച്ചെങ്കിലെന്നു മനം കൊള്ളവേ
പച്ചമരം കത്തുന്ന കാട്ടുതീപോലെ
പടരുന്നു പ്രണയമെന്നുള്ളില്‍....

നിന്നിലേയ്ക്കൊഴുകുമെന്‍
പ്രണയ വരികളില്‍
മുങ്ങിക്കുളിച്ചു തിമിര്‍ക്കുവാന്‍
കുതിച്ചു ചാടുന്നക്ഷരങ്ങളെത്രയോ,
യെങ്ങുനിന്നെല്ലാമോ !
നഗ്നമാം നിലാവിന്‍റെ
നിറമാറില്‍ വൃക്ഷത്തലപ്പുകള്‍
ചാഞ്ചാടി നില്‍ക്കവേ...

മൗനം വാക്കുകള്‍
കുടഞ്ഞെറിഞ്ഞപ്പോള്‍
കേള്‍ക്കാന്‍ക്കൊതിച്ചതൊക്കെയും
നിന്‍ സ്വനംമാത്രം
അകലെത്തെതോ
പൂങ്കാവനത്തില്‍നിന്നെതോ
കാറ്റിലേറിവന്ന സുഗന്ധവും
നിന്‍ നിശ്വാസത്തില്‍ മാഞ്ഞു പോയ്‌

3 comments: