Saturday, August 3, 2013

നിറത്തിന് പിന്നിൽ ..


ഒരു നിറത്തിനായ്
ചിത്രകാരന്‍
രണ്ടു നിറങ്ങളെ കൊന്നു
ബ്രഷില്‍ നിന്നും ആര്‍ക്കും
കാണാനാവാതെ
ചോര തുള്ളികള്‍ ഇറ്റുന്നു
ചിത്രത്തില്‍
മരിച്ച നിറങ്ങള്‍
മറഞ്ഞിരുന്നു കരയുകയാണ്
ക്യാന്‍വാസ്‌
നിറങ്ങളുടെ കല്ലറയാകുന്നു
കാഴ്ചക്കാരന്‍റെ കയ്യടിയില്‍
ചിത്രകാരന്‍ താന്‍ പോലും
അറിയാത്ത ഒരു ഘാതകനായിത്തീരുന്നു..

2 comments:

  1. പുതുനിറം പിറന്നതില്‍ സന്തോഷം

    ReplyDelete