Wednesday, June 26, 2013

ഇനിയും വരും


എനിക്ക് നിന്നോട്
പ്രണയം തന്നെയാണ്
അതുകൊണ്ടല്ലേ
എന്നെക്കൊണ്ടാവുമ്പോളൊക്കെ
നിന്നരികിൽ ഞാൻ
ഓടിയെത്തുന്നത് ,
നിന്നിൽ നീന്തി കുളിക്കാൻ
വെമ്പൽ കൊള്ളുന്നത്‌ ..?

നിനക്കും എന്നോട്
പ്രണയം തന്നെയാണ്
അതല്ലേ നിന്നരികിൽ
ഞാനെത്തുമ്പോൾ
എപ്പോഴും തൊട്ടുരുമി
നിന്റെ ചുരുൾ മുടിയാൽ
എന്റെ പാദങ്ങളെ പുതയ്ക്കുന്നത് ..?

ചുവന്ന പൊട്ട്
നിന്നിലലിഞ്ഞ്
തീരുന്നതും
നിൻ നീലിമയും
കുസൃതികളും
കണ്ടു നില്ക്കുന്നതും
എന്ത് രസമെന്നൊ .?

ഇനിയും ഞാൻ വരും
എന്നെക്കൊണ്ടാവുമ്പോളൊക്കെ..